واحد المكلخة كانت غادية ف الزنقة وهي توقف حدا واحد المراية.
بقات تشوف فراسها وكتقول: فايت ليا شفت هاد الكمارة... أنا متأكدة كنعرف هاد البنت
شوية وهي تعيق: اااااااااااااه هادي هي ديك خيتي اللي كانت كتحنزز فيا عند الكوافورة
هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟
سولوا واحد المكلخ : علاش كيدير الطبيب والفراملية الكمامات إيلا كيدروا شي عملية؟
قال ليهم المكلخ : باش إيلا ما صدقاتش ليهم حتى واحد ما يقشعهم
هادا واحد مكلخ مشى يخطب
جات البنت حطات ليه كاس ديال أتاي ليبتون
Lipton
قال ليها: من دابا بدينا ف الحجابات؟